Home » សហគ្រិនខ្មែរ និងអិនធើប្រាយវិហ្សិន រៀបចំការប្រកួតគំរូធុរកិច្ច ក្រោមកម្មវិធី “ធ្វើឱ្យអាជីវកម្មប្រសើរឡើង រដូវកាលទី២”

សហគ្រិនខ្មែរ និងអិនធើប្រាយវិហ្សិន រៀបចំការប្រកួតគំរូធុរកិច្ច ក្រោមកម្មវិធី “ធ្វើឱ្យអាជីវកម្មប្រសើរឡើង រដូវកាលទី២”

by Surya Narayan
3 comments

ខេត្តសៀមរាប, ថ្ងៃទី២៩ សីហា ២០២២ –  សហគ្រិនខ្មែរ ដែលជាស្ថាប័នក្រោមចំណុះ ក្រសួងសេដ្ឋកិច្ច និងហិរញ្ញវត្ថុ បង្កើតឡើងដើម្បីគាំទ្រដល់ការអភិវឌ្ឍប្រព័ន្ធអេកូឡូស៊ី សហគ្រិនភាពនៅកម្ពុជា ក្រោមកិច្ចសហការជាមួយ អិនធើប្រាយវិហ្សិន (Enterprise Vision) បានរៀបចំការប្រកួត គំរូធុរកិច្ចនៃកម្មវិធី “ធ្វើឱ្យអាជីវកម្មប្រសើរឡើង រដូវកាល ទី២” (Enterprise Solution Finders Cohort 2) ដោយមានការចូលរួមពី លោកប្រធានផ្នែក អភិវឌ្ឍន៍សហគ្រិនភាពដែលជាតំណាងនៃសហគ្រិនខ្មែរ សហស្ថាបនិកនិងក្រុមការងារ របស់អិនធើប្រាយវិហ្សិន គណៈកម្មការវាយតម្លៃ បេក្ខជនសហគ្រិន យុវជនដែលជា អ្នកស្វែងរកដំណោះស្រាយ (Solution Finders) និងភ្ញៀវកិត្តិយស ចំនួនប្រមាណ ៥០នាក់។

សហគ្រិនមកពីធុរកិច្ចចំនួន ១១ បានធ្វើបទបង្ហាញពីគំរូធុរកិច្ចរបស់ខ្លួនទៅកាន់ គណៈកម្មការវាយ​តម្លៃទាំងបួនរូប ព្រមទាំងភ្ញៀវកិត្តិយសទាំងអស់។ ជាលទ្ធផល ធុរកិច្ច The Nature ត្រូវបានជ្រើសរើសជាជ័យលាភីទី១, Kamboo Ecoctourism ជាជ័យលាភីទី២ និង Phum Khmer Lodge ជាជ័យលាភីទី៣ ជាមួយនឹងថវិកាគាំទ្រចំពោះការអនុវត្តគំរូ ធុរកិច្ច។

ឯកឧត្ដមបណ្ឌិត ឈៀង វណ្ណមុនិណ្ឌ នាយកប្រតិបត្ដិនៃសហគ្រិនខ្មែរ បាន​មាន​ប្រសាសន៍ ថា៖ សហគ្រិនខ្មែរ សូមអបអរសាទរដល់សហគ្រិនទាំងអស់ដែលបានបញ្ចប់វគ្គបណ្ដុះ បណ្ដាល និងចូលរួមក្នុងការប្រកួតគំរូធុរកិច្ច នៃកម្មវិធី “ធ្វើឱ្យអាជីវកម្ម​ប្រសើរឡើង រដូវកាលទី២”។ កម្មវិធីនេះមានគោលបំណងគាំទ្រដល់សហគ្រាសធុនតូច និងមធ្យម (SME) ក្នុងខេត្តសៀមរាបក្នុងការកែប្រែគំរូធុរកិច្ចស្របតាមស្ថានភាពសង្គម និងទីផ្សារក្នុង បរិបទថ្មី។ វាបានចូលរួមចំណែក ដល់ការអនុវត្តយុទ្ធសាស្ដ្ររបស់រាជរដ្ឋាភិបាល ក្នុងការ ស្ដារសេដ្ឋកិច្ចឡើងវិញក្រោយវិបត្តិជំងឺកូវីដ១៩ ឱ្យត្រឡប់ទៅរកវិថីនៃកំណើន ប្រកបដោយ ចីរភាព និងបរិយាប័ន្ន ដែលទាមទារឱ្យមានការកែទម្រង់ និងការកសាងភាពធន់។

លោក ហួត តារា សហស្ថាបនិក អិនធើប្រាយវិហ្សិន បានលើកឡើងថា៖ យើងពិតជាមាន មោទនភាពក្រៃលែងដែលកម្មវិធី “ធ្វើឱ្យអាជីវកម្មប្រសើរឡើង រដូវកាលទី២” បាន ដំណើរការដោយរលូន និងទទួលបាននូវលទ្ធផលល្អជាទីគាប់ចិត្ដ។ សហគ្រិនគ្រប់រូបមាន ការរីកចម្រើន លើចំណេះដឹងស្ដីពីសហគ្រិនភាព និងបានរៀបចំផែនការយុទ្ធសាស្រ្ដថ្មី ដើម្បីធ្វើឱ្យអាជីវកម្ម កាន់តែប្រសើរឡើង ស្របតាមបរិបទថ្មី និងការប្រែប្រួលនៃស្ថានភាព សេដ្ឋកិច្ចពិភពលោក។ យើងពិតជាកោតសរសើរដល់សហគ្រិន សម្រាប់ការខិតខំប្រឹង ប្រែង និងការតាំងចិត្ដខ្ពស់ក្នុងកម្មវិធី ជាពិសេសការធ្វើបទបង្ហាញគំរូធុរកិច្ច ដែលវាកើត ចេញពីសេចក្ដីស្រលាញ់ពិតៗ។ នេះជាគ្រឹះដ៏សំខាន់ក្នុងការធ្វើឱ្យផែនការអាជីវកម្មទទួល បានជោគជ័យ។ 

កម្មវិធីធ្វើឱ្យអាជីវកម្មប្រសើរឡើង រដូវកាលទី២ ជាកម្មវិធីមួយក្រោមវេទិកាសហគ្រិន សៀមរាប (Enterprise Siem Reap) ដែលកើតចេញពីគំនិតផ្ដួចផ្ដើមរបស់ សហគ្រិនខ្មែរ ដើម្បីជំរុញការអភិវឌ្ឍសមត្ថភាពរបស់សហគ្រិននៅក្នុងខេត្តសៀមរាប។ កម្មវិធីនេះមាន គោលបំណង ផ្ដល់នូវការប្រឹក្សាយោបល់អាជីវកម្មតាមរយៈយុវជនដែលជាអ្នកស្វែងរក ដំណោះស្រាយ ទៅដល់ធុរកិច្ចខ្នាតតូច និងមធ្យមនៅក្នុងវិស័យទេសចរណ៍ និង បដិសណ្ឋារកិច្ចក្នុងខេត្តសៀមរាប ដើម្បីបង្កើនភាពធន់ និងការរីកចម្រើនផ្នែកធុរកិច្ចក្នុង បរិបទថ្មី។​ កម្មវិធីនេះ ចែកចេញជាពីរដំណាក់កាល ដែលដំណាក់កាលទីមួយ គឺជាការ បណ្ដុះបណ្ដាលយុវជនអំពី មូលដ្ឋានគ្រឹះនៃសហគ្រិនភាព ដើម្បីក្លាយជាអ្នកស្វែងរក ដំណោះស្រាយ។ រីឯដំណាក់កាលទីពីរ គឺជាដំណាក់កាលដែលអ្នកស្វែងរកដំណោះ ស្រាយ និងម្ចាស់ធុរកិច្ច (ឬ សហគ្រិន) សហការគ្នាបង្កើតគំរូធុរកិច្ចថ្មី។ នៅចុងបញ្ចប់ កម្មវិធីនឹងមានការប្រកួតគំរូធុរកិច្ច និងវគ្គអនុវត្ត ផែនការអាជីវកម្ម។

You may also like

3 comments

Avatar
kevin durant shoes November 27, 2022 - 11:57 am

very good post, i definitely love this web site, keep on it

Reply
Avatar
Broderick Frick March 19, 2023 - 5:08 pm

Hi thebettercambodia.com webmaster, Your posts are always informative and up-to-date.

Reply
Avatar
Rayford Willcock March 28, 2023 - 10:38 am

Hello thebettercambodia.com administrator, Your posts are always informative.

Reply

Leave a Comment

Explore The Better Cambodia

A vibrant media hub focusing on Cambodia’s remarkable successes and heartening stories. Stay connected to the nation’s progress and be inspired by its promising future.

Newsletter

Sign up for The Better Cambodia's newsletter to receive the latest articles and stories. Stay informed and inspired with our positive content!

Latest News

Copyright © 2023 The Better Cambodia. All rights reserved.

Are you sure want to unlock this post?
Unlock left : 0
Are you sure want to cancel subscription?
-
00:00
00:00
Update Required Flash plugin
-
00:00
00:00